| 星期日對商中和左0:0...12碼輸左5:4 =[ 唉.... 聽到球證吹雞的一刻,心情真係好好好難受,好唔開心,忍唔住喊左出黎,眼見人地興奮到跳起,我地成隊人訓曬起地下,真係好難受,心痛..... 埸波個個人都好博命,好想爭取入球,即使我地下半埸加強攻勢,想50分鐘內嬴佢地,但係點都入唔到波,真係冇辦法,到左射12碼的一刻仲味開始緊張,見到人地第一球射入左,就開始勁緊張,真係好驚好驚,跟住到JB 射,見到佢射入,個個人都好興奮,之後知道自己要第3個射12碼,個陣我開始已經腳軟,心情又極緊張,好驚自己會唔入,個陣見到tommy射入左都好似冇咩反應咁,到我射個陣,完全唔敢望埸邊d觀眾同埋後面d隊友,我正係知我一定要入!!!好彩都入左,但係真係入得好險,對方龍門差d擋到,見到入左個陣都完全唔知咩事,腦海一片空白,呆左幾秒之後興奮到跳起!!!心情輕鬆返曬...但後最後雖然輸左,但係可以踢到一埸咁有挑戰性的比賽,都已經好開心。 完埸個陣可能的真係因為太激動la~唉...應該要控制下自己d情緒,但可能我真係太想踢決賽的關係,真係忍唔住,心情都好難平服,我真係唔想喊架...但係當中比我發覺到一樣野,就係輸左波冇人會怨隊友,只會安慰和支持。其實見到方中同元中輸左波個陣,都係得好少人喊....我真係味見過一隊波可以成隊人一齊喊,真係好齊心,呢d可能就係團隊精神,又可能係祟德足球隊的一個象徵...祟德足球隊雖然唔可以嬴到學界冠軍,但係我可以肯定的係祟德足球隊的團體精神一定係全元朗,什至係全港最top ge!!!因為我正係知每個隊友都咁熱愛足球,咁熱愛球隊!!!就連睇波的觀眾都有呢顆心。 真係好多謝咁多個觀眾黎睇我地踢呢埸波,完埸個陣雖然我喊,但我內心都好開心ge~因為見到咁多人支持我地,真係多謝曬!!!今埸波冇入波可能會悶親d觀眾,真係唔好意思,但係我保證下埸波一定會有入球。雖然下埸波我唔知踢唔踢,但係我都希望每個人都盡力踢好下場波!!!仲有希望d觀眾下埸波繼續支持我地!!!下年可能好多人都唔踢lu,但係一日係隊友永遠都會係隊友,我永遠都會記住比賽和練波時的一點一滴。 最後多謝安慰我的人la~其中可能係我最最最唔開心個陣,行埋黎埸邊安慰我,我真係好感謝ge~但係點都好la~真係多謝曬所有安慰我的人la!!! 下埸25/5(星期日)天水圍運動埸,1點半....希望入埸睇波的人數會破紀錄!!! |
